Club de Lectura ARS LEGENDI

A cabeza de Medusa, Marilar Aleixandre.

2011-11-24T11:55:00.000+01:00

Seguindo co tema trimestral, a violencia de xénero, as rapazas que integran o clube de lectura de 4º cóntannnos que lles pareceu este libro:
Victoria : " A min o libro gustoume.O que máis me gustou foi que Sofía acabara con Rubén, e o apoio do seu irmán. O que menos me gustou foi que , despois da violación todos actuaban coma se nada pasasee as amigas non teñen confianza entre elas. Todo o libro está ben menos o final."
Coincide con esta opinión Ainhoa :" É un libro moi interesante polo tema que toca, do que non se adoita escribir. O libro gustoume, excepto a relación de Lupe e Sofía. Parece que a violación que sufriron consome a súa amizade. "
A Noelia non lle gustou , nin entende, " a frialdade entre as rapazas e os damais compañeiros. Tampouco o final do libro.Para min o libro estaría sen acabar" .Claro, e os violadores? Cóllenos, castíganos?...
Para Gemma, "o libro é moi interesante, tampouco me gustou o final, non saber que pasa cos violadores, nin a relación entre as amigas."

O inferno de Marta, P. Alapont

2011-11-24T11:39:00.000+01:00

Os rapaces e rapazas do clube de lectura de 1º da ESo leron este libro e coinciden nas súas opinións:
Ricardo cre que é un libro moi bo polo tema que aborda, os malos tratos, pero pódese mellorar: " Para min ten algúns fallos, por exemplo, as opinións dos personaxes sobre os feitos doutros son ilóxicas, e a actuación das amigas de Marta é moi estraña...parece que pasan dela aínda que logo volvan a axudala. Tampouco ten sentido a personalidade de Marta . Non resulta crible que Marta lle regale unha moto a seu mozo e os pais nin se inmutan,non interveñen para nada."
O mesmo opina Noelia , que saca a conclusión de que " as amigas de Marta son tontas. Non me gustou o libro porque as amigasnon me gustaron nada. " De feito , cando nos xuntabamos para comentar o libro , resutaba inverosímil que as amigas non fixeran nada e un antigo profesor que pasa polo bar, nada máis ver a Marta e a seu mozo tomando un café, xa detecta o problema e intervén de heroe salvador.
Enténdese a posición de Marta, pois desde dentro xa sabemos que é máis difícil darse de conta das cousa, pero non se entende ese desapego dos pais, que só aparecen cando lles presenta ao su mozo, e a posttura máis criticable é a das amigas.
Paula dinos: " gustoume o libro, aínda que as amigas de Marta parecéronme algo tontas. Cando Héctor fala con Marta nótaselle que non lle fai moito caso. Cando foron á discoteca, Marta pareceume tonta coa reacción de Héctor. Eu non lla perdoaría."

DÍA INTERNACIONAL CONTRA A VIOLENCIA DE XÉNERO

2011-11-22T11:55:00.000+01:00

Os alumnos e alumnas da Baña queremos conmemorar esta simbólica data do 25 de novembro, escollido internacionalmente para denunciar todo tipo de violencia .

POR QUE O 25 DE NOVEMBRO?

Esta data foi escollida nun congreso feminista realizado en Colombia en 1981, para recordar o asasinato das irmás Mirabal a mans da policía secreta do dictador Trujillo, na República Dominicana en 1960. Os cadáveres, destrozados polas torturas,das 3 irmás apareceron no fondo dun precipio.A forte reacción popular a este suceso precipitou a caída do dictador. Desde entón , estas mulleres simbolizan a loita e a resistencia fronte ao opresor para o movemento feminista da República Dominicana. Son coñecidas como as 3 bolboretas, alcume que tiñan na clandestinidade.

POR QUE NOS VESTIMOS DE VIOLETA?

En marzo de 1908, nunha fábrica de algodón de Nova Iorque, as obreiras deciden poñerse en folga para protestar polas súas pésimas condicións laborais. O dono da fábrica téxtil, para poñer fin a esta folga, prendeulle lume ao edificio e morreron abrasadas 129 traballadoras.

Crese que se tomou a cor violeta como símbolo do feminismo porque era a cor das teas que se estaban tratando nese momento. Tamén se di que era a tonalidade do fume que desprendía o incendio.

Desde entón , o violeta é o símbolo das persoas que loitan para conseguir que as mulleres teñan os mesmos dereitos que os homes. Das persoas que procuran que ,ademais de que cambien as leis, cambie a mentalidade .

O violeta era tamén unha cor que antigamente estaba reservada aos soberanos. Ninguén podía poñerse unha prenda desa cor baixo pena de morte. Por iso tamén representa o sangue real que corre polas veas de cada persoa que loita pola dignidade e pola liberdade dos seu semellantes.

Por iso nós, a comunidade educativa do CPI S. Vicente, comprometémonos a ver a vida cunhas gafas violeta, traballando para eliminar as discriminacións e procurando unha convivencia xusta e igualitaria entre todas as persoas.

Novo clube de lectura 2011-2012

2011-10-06T16:59:00.000+02:00

Aquí estamos de novo, disfrutando do sol e dos libros no patio do CPI S. Vicente, con moita ilusión, e ganas de compartir as impresións sobre as nosas lecturas. GRAZAS! Grazas a tod@s por participar connosco.

PARTICIPA NO CLUBE DE LECTURA 2011-2012

2011-10-04T11:26:00.001+02:00

Invitamos ás persoas interesadas na lectura e en compartir opinións sobre libros , a participar nesta nova proposta do clube de lectura 2011-2012... Podedes participar , esteades estudando no CPI S. Vicente, ou non, pois tamén tedes un clube de lectura de adultos. Se vos apetece, contactade co Departamento de Normalización do Concello da Baña, do que é responsable Carme Pereiro , ou enviade un correo á Biblioteca do CPI S. Vicente.
Este trimestre leremos obras relacionadas coa violencia de xénero, fenómeno que desgrazadamente ocupa a cotío as noticias ..e falaremos de todo o divino e o humano. As obras de que dispoñemos son:
A cabeza de Medusa, de Marilar Alexandre...sobre a violación de 2 rapazas.
O inferno de Marta, de P. Alapont, trata dunha relación entre unha universitaria e un rapaz maltratador da súa mesma idade .

O diario violeta de Carlota, de Gemma Lienas, que conta como Carlota anota no seu diario todas as situacións de desigualdade de xénero que observa.

Para adultos podemos ler Destrucción de Xabier Rodríguez López, que narra como unha muller se vinga do seu home tras unha vida de maltratos.

De todos ofreceremos unha crítica expoñendo as opinións que suscita a lectura do libro entre os membros do clube.Hai que dicir que o problema de estes libros é que ás veces sacrifican a calidade literaria a prol do tema, feito que quizais nos faga repensar o noso plan de traballo.

Outro libro delicioso que recomendamos , aínda que trata máis da amizade que da violencia de xénero, é Tardes con Margueritte, de Marie Sabine Roger. Iso si, se todas as mulleres fixeran como a nai de Germain (je, je, tedes que lelo) , xa non se escribirían máis libros sobre o maltrato.

El salvaje, Antonio García LLorca.

2011-06-03T19:45:00.001+02:00

Rematamos o clube de lectura este ano coa lectura deste libro, El salvaje, do que os alumnos de 2º elaboraron o seguinte comentario:
" Este libro xira en torno á vida de Bernabé, un neno vendido polo seu pai para ir traballar ao val. Alí fórmase como o que será o resto da súa vida.
Nese lugar pasa unha boa infancia, pero o arrincan do val sen preguntar e o levan a un orfanato.
A vida de Bernabé resúmese entre o val e o orfanato, onde queren que sexa unha persoa pero non o tratan como tal.
A diversidade existe, e temos que respectala. Cada un é o rei da súa propia zona.
Para disfrutar como un salvaxe....le este libro!.

Os ollos do tangaleirón, Neira Cruz

2011-05-24T10:54:00.000+02:00

Lena ( outra vez unha rapaza adolescente protagonista) ,debido ás investigacións do seu tío Malaquías, especialista en criptozooloxía, vai buscar nas montañas dos Ancares a un tangaleirón para protexelo de codiciosos intereses. E que é este animal ? un ser que recorda aos lendarios Pés Grandes. Alí Lena coñecerá a Abel, un adolescente cuns marabillosos ollos azuis..

As rapazas de 1º gustoulles este libro, pero menos que o de Valdemuller, quizais porque o ven un pouco máis infantil, segundo Melania...e os temas de namoramentos adolescentes..xa son un pouco repetitivos. A parte máxica, común con Valdemuller tampouco enganchou a este esixente grupo de lectoras..

Valdemuller, X.A. Neira Cruz

2011-05-24T10:39:00.000+02:00

As persoas integrantes do clube de lectura de 1º de ESO escolleron 2 obras de Neira Cruz para finalizar este percorrido polos libros : Valdemuller e Os ollos do tangaleirón. Preferiron por goleada Valdemuller. A Nuria gustoulle a protagonista Mina, porque "calquera rapaza adolescente se pode sentir identificada con ela, e porque en toda familia soe haber unha ovella negra" , neste caso a tía da protagonista, persoa que resulta ser moi interesante , cunhas vivencias que axudan á rapaza a madurar e a descubrir outra visión da vida. Quizais a viaxe que realiza Mina cando recibe o colgante en forma de estrela que lle revela a existencia da súa parente ata entón descoñecida resulta ás veces algo pesada, e a mestura de maxia e realidade como os lobos que axudan á rapaza porque a súa tía é algo meiga, resulta pouco crible segundo as nosas lectoras...pero en xeral foi ben acollido.

Othello, Shakespeare.

2011-05-09T10:54:00.000+02:00

As marabillosas alumnas de 4º seguen lendo a Shakespeare na súa lingua orixinal, axudadas pola súa non menos marabillosa profe de inglés Salomé. Aquí tedes o seu comentario:
" We are reading Othello, a very famous play by Shakespeare. Othello is a black general of the Venetian army who suffers Yagos enuy, his alleged friend. Yago convinces Othello with his lies that his wifw has an adventure with another man. Othello is very jealous so he changes.
Read it untill the end, it is a very interesting story. "

Andrea e Lorena"

Dez negriños, Agatha Christie

2011-04-26T12:34:00.000+02:00

Grazas á amabilidade do CPI Tomás de Lemos de Ribadavia, os alumnos de 3ª están intrigados intentando descubrir ao asasino da novela (logo levada ao cine) Dez negriños. O que máis gusta da novela é que fai sentir ao lector como un protagonista máis da mesma. Só a unha persoa tan imaxinativa como Agatha Christie se lle podía ocorrer unha novela de misterio con dez asasinatos baseándose nunha canción de berce, titulada "ten little indians",ou "ten little niggers" e na versión politicamente correcta "ten little soldiers"...Na Illa do Negro son reunidas dez persoas descoñecidas entre si invitadas por un misterioso anfitrión..Un disco gravado explica que cada persoa cometeu algún crime ao longo da súa vida e deberá pagar por iso. Un a un, como os dez negriños da canción van sendo asasinados...pero na illa non hai ninguén..e cando sospeitas dun ....morre... ( Dos 17 que forman o club de lectura só unha intelixente lectora adiviñou quen é o asasino)

É recomendable ver a película despois de ler o libro (aínda que é un pouco antiga, pero moi interesante..) Tamén existe outra que recrea a fascinante biografía da autora titulada Agatha, con Vanessa Redgrave e Dustin Hofman, aínda que quizais non moi fiel á realidade..serve para achegarnos a esta prolífica autora e non menos interesante muller.

O señor Ibrahim e as flores do Corán. Eric- Emmmanuel Schmitt.

2011-04-26T10:31:00.000+02:00

Os alumnos de 1º quedaron sorprendidos e encantados coa lectura deste libro, aínda que algúns se amosaron indignados polo comportamento dalgún personaxe. Janet non pode entender como unha nai pode marchar cun dos seus fillos e deixar ao irmán pequeno ao coidado do pai...e moito menos que un pai deixe ao seu fillo adolescente sen máis explicación que unha nota no chan. Pero estes comportamentos aclararanse pouco a pouco a medida que profundiza a trama da novela : a tenra amizade entre un rapaz xudeu e un tendeiro musulmán que aporta a esperienza da madurez no París dos anos 60 . Dúas persoas aparentemente moi distintas pero no esencial moi similares. Hai unha fermosa película francesa que é bastante fiel ao libro , moi recomendable para ver despois da súa lectura e ter un debate posterior sobre as relacións humanas, o multiculturalismo, as diferentes crenzas relixiosas..e a esperanza nas persoas por encima de todo. En palabras do señor Ibrahim :." Cando se quere aprender algo, non se colle un libro. Fálase con alguén."

El síndrome Mozart, Gonzalo Moure.

2011-04-12T10:49:00.000+02:00

Tras algunha deserción do clube de lectura e dalgún cambio de libro, xa que o escollido non convencía aos lectores, 2º da ESO animouse a ler El síndrome Mozart, de Gonzalo Moure. O autor declarou nunha entrevista que empezou a pensar no tema do libro grazas á lectura dun artigo médico sobre a síndrome de Williams, deficiencia xenética que provoca un retraso mental pero que non impide desenvolver unha extraordinaria capacidade musical. Esta é a síndrome que padece Irene,a protagonista do libro,e que quizais padecera Mozart, e que investiga o seu pai neurólogo. Aínda que esta deficiencia provoca tamén dificultades para relacinarse, non impide que Irene se vaia nanorando de Tomi. Unha das lectoras de 2º, Eva Iglesias cóntanos máis sobre o argumento do libro: " Irene é unha rapaza de 17 anos que cambiou o violín polo piano, e ten dous bos amigos: Tesa e Yárchik. A Tesa gústalle a música pop, Yárchik prefire a clásica. O pai de Irene quere que coñeza a Tomás, un rapaz que tamén posúe a síndrome de Williams...xuntos aprenderán moitas cousas importantes...

Quérote, Úrsula Heinze

2011-01-11T12:40:00.000+01:00

As alumnas de 1º, axconselladas pola súa profe Nati, escoleron como 2º libro do clube de lectura Quérote. María José Paredes tivo a mabilidade de comentalo para nós:
"Sabela é unha rapaza duns 15 anos un pouco regordecha, o que acomplexa. É moi amiga de Ainoa, que un día lle presenta o seu irmán e namórase....
Este libro pareceume cargado de emocións.
Gustoume moito ler como unha adolescente conta no seu diario as súas penas e alegrías, a súa forma de ver a vida.
Encantoume cómo a escritora transmite ao lector ese sentimento de inocencia mediante unha adolescente. Paréceme un libro ben presentado e ben narrado. O vocabulario que utiliza esté moi ben estructurado, con palabras tradicionais galegas e con ese toque de galeguismo que tanto me gusta.
É un gran libro!"

A verdade é que despois dunha crítica tan entusiasta dan ganas de lelo. Animádesvos?

El sueño del celta, Vargas LLosa

2010-12-14T12:30:00.001+01:00

   Acabamos de ler El sueño del celta, a novela de Vargas LLosa sobre Roger Casement, personaxe histórico sobre o cal se documentou profusamente. Segundo o autor , o protagonista é " un dos grandes loitadores anticolonialistas e defensores dos dereitos humanos e das culturas indíxenas do seu tempo e un sacrificado combatente pola liberación de Irlanda."
   Dividido en 3 partes, na 1ª conta como un xove Casement remonta o río Congo en 1903, nunha viaxe que lle cambiaría a vida, redactando como cónsul británico un informe no que detalla o xenocidio dos indíxenas no chamado Congo Belga, por ser explotado polo Rei belga Leopoldo II, baixo a aquiescencia do resto de potencias europeas. Nesta viaxe coñece a Conrad, e atribúe o mal estado de saúde do escritor " non ás desgrazas físicas que se encarnizaron con el, senón á corrupción moral, a corrupción da alma que invade todo o país" que describiría en O corazon do negror. A diferenza está en que esta novela é unha parábola segundo a cal África volve bárbaros aos civilizados europeos mentres que o Informe sobre o Congo de Casement amosa o contrario: que fomos os europeos os que levamos alá as peores barbaries.
   Na 2ª parte, o protagonista avalado polo seu gran prestixio, é enviado á Amazonia para denunciar a explotación dos indíxenas peruanos que son dezmados pola extración de caucho. Repítense os horrores presenciados no Congo ante a total pasividade das autoridades.
   Nestas viaxes toma conciencia do via crucis dos pobos colonizados: "A situación de Irlanda lle doía como nunca antes (....) trataría de convencer aos irlandeses de que se querían a liberdade terían que conquistala con arroxo e sacrificio". Na 3ª parte implícase na loita pola súa patria, feito que lle acarrea ser tratado de traidor, motivo das reflexións do protagonista xa na 1ª páxina na que repasa a súa vida desde o cárcere.
Estas lecturas pódense completar con Sete casas en Francia , de Bernardo Atxaga, editada por Factoría K,nunha espléndida tradución, ao igual que a obra antes recomendada de Conrad.
Atxaga inicia a súa obra tamén en 1903, ano en que Chrysostome Liege asina un contrato para servir ao rei Leopoldo na Force Publique no Congo. A súa chegada provoca un cambio substancial no estado das cousas ...De lectura trepidante, cunha mistura de humor negro e sarcasmo, os libros de Atxaga nunca decepcionan.

Estas 3 obras arriba comentadas están na biblio á vosa disposición. Se a alguén lle interesa saber algo máis sobre o colonialismo español ...(si , houbo...a nós tocounos Guinea Ecuatorial na Conferencia de Berlín de 1884) hai un ensaio apaixonante: Un guardia civil en la selva, de Gustau Nerín . O garda civil Julián Ayala é encargado de explotar o país dezmando á poboación. No franquismo continúa a situación grazas a Víctor Suances, alcumado "o que asa" pola súa afección a queimar aos nativos...

Canto lemos os da ESO!

2010-11-02T17:22:00.001+01:00

Comezou con moita forza o novo club de lectura dos alumnos da ESO 2010-2011.
Os de 1º, coa súa profe Nati, comezaron a ler un libro de gran popularidade : Kafka y la muñeca viajera, de Jordi Sierra. Inspirado nun feito real, conta como o autor de A metamorfose convértese en carteiro dunha moneca para consolar a unha pequena que choraba porque a acababa de perder.Kafka dille que, en realidade, a moneca marchou de viaxe..
Os de 2º, guiados por Ánxeles, escolleron Montañas como islas, de Forrest Carter. Seguimos as aventuras de Pequena Árbore, neno de 5 anos que, tras quedar orfo, vai vivir cos seus avós cheroquis. Entre o avó, que sinte un profundo respecto pola natureza, e a avoa que le a Shakespeare, o neno aprende a escoitar a voz da Terra.
E falando de Shakespeare... é o autor escollido por 3º e 4º, que non só se atreven cun xénero pouco lido, como é o teatro , senón que incluso o len na súa lingua orixinal, en inglés! Os de 3º len O Rei Lear, en palabras de Victoria Barbeira :" This book tells the story of a king of England , King Lear, who asked his tree daughters to tell him how much they loved him. The two oldest are very false, and they told him that they loved a lot, but the younger sister didn't say nothing, so the king deserted her . After this , he also deserted his oldest daughters, because when he went to their houses, they didn't treat him well. King Lear has several friends that help him work out a solution..."
E as de 4º están con... Hamlet . Deste drama cóntannos Andrea e Lorena: " It is the story of Hamlet, prince of Denmark. He discovered that his uncle had killed his father for to be the king. Hamlet is very furious and he decided to kill his uncle for saving his father's soul.
A drame whith ghosts, murders and blood... It's very interesting".

Así que xa sabedes.... TO READ OR NOT TO READ... THAT'S THE QUESTION!

Almas muertas, Nikolai Gogol

2010-10-05T16:32:00.001+02:00

Comezamos este curso 2010-2011 lendo no clube de lectura de adultos este clásico da literatura rusa do XIX. O protagonista, Chíchikov, chega a unha cidade de provincias coa intención de introducirse nas capas máis altas da sociedade e levar a cabo un estraño negocio: a compra de almas mortas, é dicir servos ao servizo dun terrateniente, que os posúe como unha propiedade da facenda máis , pero que non están dados de baixa no censo, o que obriga aos amos a pagar por eles mentres non se leve a cabo a seguinte actualización do censo. Para que as quere? (Desgrazadamente a contraportada xa se encarga de aclarárnolo, así que mellor non a leades). Mediante prolixas e en ocasións excesivamente minuciosas descricións, Gogol vai trazando un fresco dos estratos sociais da Rusia do XIX, na que a "base das virtudes humanas radica en tres materias fundamentais: a lingua francesa, indispensable para a felicidade da vida familiar; o piano, para proporcionar agradables momentos ao esposo, e finalmente a parte relacionada directamente coa economía doméstica: os labores de punto para a preparación de bolsiñas e outras sorpresas." Agrádanos o sutil punto de ironía do autor na selección de tipos humanos e a exposición dos seus comportamentos, para acabar resultando unha feroz crítica contra o capitalismo, o consumismo, a explotación dos seres humanos, vivir aparentando..Moderno, non si?

Despedida Curso 2009-2010

2010-06-28T15:49:00.002+02:00

Despedida club de lectura ars legendi

View more presentations from equipobiblio.

O pasado mércores 23 de xuño todos os membros do club de lectura Ars Legendi reuníronse no salón de actos para despedir o curso, recordar os mellores momentos e lecturas e dicir ata pronto aos que, por diferentes motivos, nos deixan.

Así mesmo, recibimos todos un fermoso agasallo: unha camiseta co lema "Tonto el que no lea" que levaremos con orgullo este verán, mentras disfrutamos das lecturas que imos devorar durante este tempo de descanso e lecer.

DISTANCIA

2010-06-24T17:40:00.000+02:00

Yo la vi desvanecerse,

la vi fundirse en la distancia,

hacerse sueño para siempre.

Soplaba el Sur y sentí miedo.

Mediodía de oro crujiente,

iluminado pan que el alma

hambrienta come, renaciéndose.

Mar invisible tras los montes.

(Ahora las nubes, las mujeres,

las perezosas barcas blancas

habrán llegado para verse...)

Pinos altos, como humos quietos,

muy silenciosos y muy verdes.

(Jadeará el viento en las rocas

furioso, mortalmente.)

Soplaba el Sur. Mirada última.

Día final para aprenderme

sus lecciones de luz, de música...

...Luego la vi desvanecerse,

la vi fundirse en la distancia,

hacerse sueño para siempre...

José Hierro, Tierra sin nosotros (1947)

CLAUSURA

2010-06-14T21:02:00.000+02:00

O vindeiro mércores 16 de xuño celebraremos unha xuntanza todos os membros do club de lectura 2009-2010. Faremos un balance da actividade e un repaso das lecturas máis valoradas e finalizaremos o encontro cunha sorpresa.

ENCONTRO CON MARCOS CALVEIRO

2010-06-07T15:43:00.003+02:00

ENCONTRO CON MARCOS CALVEIRO on PhotoPeach

CHEGOU O DÍA!

2010-06-03T22:02:00.000+02:00

Por fin chegou o día: mañá os membros do club teremos un encontro co noso admirado e xa benquerido Marcos Calveiro. Falaremos con el das obras lidas este curso: O carteiro de Bagdad, O canto dos peixes e Rinocerontes e quimeras. Comentaremos as nosas impresións sobre as lecturas e aproveitaremos a ocasión para coñecer algúns dos seus segredos e manías á hora de escribir.

Ademais haberá unha sorpresa para todos os membros do club de lectura!

VISTA CANSADA

2010-05-29T12:46:00.000+02:00

VISTA CANSADA

No achaques a tu edad

este desinterés, la indiferencia

-casi desdén-

con que hoy miras la vida.

No culpes a tus ojos fatigados.

La fatiga

no está en los ojos que miran,

está en todo lo que ven.

ÁNGEL GONZÁLEZ

Cartas desde Baɣdād (بغداد)

2010-05-19T17:17:00.009+02:00

Aquí estamos de novo os do club de lectura de 1ºESO, agonizando casi: final de curso, exames, traballos, ... .Pero, cos últimos folgos, uns cantos animámonos a ler un libro máis, que por outra banda tiñamos pendente, xa que seleccionarámolo para ler neste trimestre e non puido ser (estaba moi solicitado!).

Non falta moito para a visita de Marcos Calveiro e O carteiro de Bagdad ten unha "pinta" estupenda, seguro que o disfrutamos. Preparade maleta e pasaporte porque trasladámonos a Oriente Medio:

Se queredes coñecer máis libros deste escritor premede sobre a imaxe:

Por último, botemos unha ollada ao que supón ser carteiro en Bagdad:

IMPRESIÓNS DE "MALA LUNA"

2010-05-12T17:40:00.002+02:00

Hola, soy Victoria, de 2º de ESO. A mí el libro Mala luna de Rosa Huertas me gustó, ya que he aprendido muchas cosas sobre la guerra civil española (antes no sabía casi nada). También me gustó por la mezcla de sentimientos de amistad, amor y desconfianza. La parte más emotiva fue la lectura del cuaderno del abuelo de Víctor. Esta parte me emocionó porque me pareció muy bonito que el abuelo le confiase todos esos secretos a su nieto. La parte que más me gustó fue la carta final, de Clara a Víctor, ya que fue una muestra de verdadera amistad.

Lo que menos me gustó fue la desconfianza y aversión de Víctor hacia Clara. Él no tenía unos motivos razonables para desconfiar de tan mala manera de ella.

Yo recomiendo este libro ya que te enseña muchas cosas sobre una parte de la Historia de España, te enseña también a valorar los sentimientos, y tiene una trama muy emocionante.

Hola, soy Jorge. En primer lugar, decir que el libro me ha gustado y sorprendido. Sin haber leído nada yo pensaba que iba a tratar hechos históricos, los cuales, francamente, no me motivan demasiado.

Pasra mi sorpresa, el libro trata hechos antiguos mezclados con el presente de la propia historia, y con la mente de dos adolescentes. Por todo eso y más, el libro me parece de amena lectura y sobre todo un libro bonito para la edad en que yo mismo me encuentro. En mi opinión, un libro recomendable.

PAIXÓN POR CALVEIRO

2010-05-01T09:19:00.003+02:00

O grupo de 3º e 4º están a ler a marabillosa Rinocerontes e quimeras, da que xa gozáramos no club de adultos. E o grupo de 2º decantouse por O canto dos peixes (Premio Barco de Vapor 2008), unha fermosa historia de amizade entre un vello mariñeiro e un neno, co trasfondo dun mar omnipresente. Temos a certeza de que será un pracer para os lectores achegarse a esa riqueza léxica que caracteriza os escritos de Marcos Calveiro.

Ai, que terá este autor que levanta paixóns en Ars Legendi?

Cartas de inverno en primavera.

2010-04-18T17:20:00.009+02:00

Novo trimestre, nova lectura. Desta vez, e tras non poucas dúbidas, decantámonos por "Cartas de invierno" de Agustín Fernández Paz.

Imos destacar o regocixo de Lucía Covas que tiña verdadeiro empeño nesta obra que de seguro nos seduce a todos.É magoa non contar coa versión en galego, aínda que esto non lle restará deleite ao misterio que se nos aveciña.

Non vou poñer por escrito o que xa falamos na reunión, polo que si algún curioso alleo o club (ou algún membro do club despistado) necesita información sobre a novela déixovos un enlace a unha páxina do autor, que satisfará moitas outras curiosidades que poidades ter:

http://www.filix.org/ranholas/agustin.html

Só un apunte escollido entre a información que contén esta páxina web, para que sepades que se move un pouco por onde vos movedes vós:

Mestre de Ensino Primario e Licenciado en Ciencias da Educación, traballou como profesor de EXB en diferentes centros e exerce (ou exerceu) de profesor de Lingua e Literatura Galega no IES Os Rosais 2, de Vigo.

FELIZ LECTURA !!!

UN GRITO DE AMOR

2010-03-10T15:37:00.003+01:00

Somos o grupo de terceiro.

Este libro que lemos para o club de lectura pareceunos, tal e como o seu nome indica, un grito de amor dende o centro do mundo. Unha novela, que para a nosa opinión, é entretida á vez que triste e sentimental.

O que máis nos gustou foi o amor que había entre os personaxes principais e o amor que había entre o avó de Saku e a muller que el quería.

O que menos nos gustou foron os pais de Aki, porque non expresaban ningún afecto pola morte da súa filla. Tampouco nos gustou o amigo de Saku, Oki.

Recomendamos este libro porque é apto para xóvenes que están aprendendo a querer.

HUIDA HACIA EL SUR

2010-03-07T14:25:00.005+01:00

O club de lectura de adultos comezamos unha nova viaxe, nesta ocasión trátase máis ben dunha fuxida. Agárdanos a entretida lectura de Huida hacia el sur, un divertido libro do escritor polaco Slawomir Mrozek. Editado por Acantilado, a innovadora editorial que sempre nos sorprende con propostas orixinais e rompedoras. Tal é o caso da obra que nos ocupa. Na reseña editorial lemos: "En Huida hacia el sur (publicada originalmente en 1961), un antropoide simpático y erudito—llamado, seguramente no por casualidad, Godot—recorre Polonia en compañía de tres adolescentes. Caricaturizando la novela juvenil de aventuras y añadiendo dibujos de su propia mano, Mrozek consigue una versión rústica y disparatada del tebeo, género tan popular como inaccesible en la Polonia comunista. Y si la forma rehace de manera absolutamente cómica su modelo, el propio relato no duda en ridiculizar la pseudoindustrialización, los planes quinquenales, los esnobismos literarios, los provincianismos mezquinos, los pequeños sueños de gran mundo y de evasión que predominaban en aquel país. Huida hacia el sur es uno de las primeras novelas de Mrozek, en la que se le encuentra ya de cuerpo entero: divertidísimo, inteligente y, por encima de todo, enormemente singular."
Todo un remanso para evadirse nestes tempos difíciles.

O FORO XA ESTÁ ABERTO!

MALA LUNA

2010-03-03T16:11:00.003+01:00

O grupo de 2º comeza a lectura de Mala luna, unha emotiva novela escrita por Rosa Huertas. A historia está protagonizada por Clara e Víctor, dous adolescentes que nos achegarán ao verdadeiro protagonista da obra: o poeta Miguel Hernández. A súa breve vida (morreu antes de cumprir os 32 anos) estivo marcada polo amor e a amizade, pero moi especialmente polo sufrimento e a dor. Afirmaba "Yo nací en mala luna”; “Tengo la pena de una sola pena que vale más que toda la alegría”.

O 30 de outubro deste ano celebrarase o centenario do nacemento deste grandísimo poeta que nos deixou composicións tan fermosas como a seguinte:

VUELO (fragmento)

Sólo quien ama vuela. Pero ¿quién ama tanto

que sea como el pájaro más leve y fugitivo?

Hundiendo va este odio reinante todo cuanto

quisiera remontarse directamente vivo.

Amar... Pero ¿quién ama? Volar... Pero ¿quién vuela?

Conquistaré el azul ávido de plumaje,

pero el amor, abajo siempre, se desconsuela

de no encontrar las alas que da cierto coraje.

Un ser ardiente, claro de deseos, alado,

quiso ascender, tener la libertad por nido.

Quiso olvidar que el hombre se aleja encadenado.

Donde faltaban plumas puso valor y olvido.

Iba tan alto a veces, que le resplandecía

sobre la piel el cielo, bajo la piel el ave.

Ser que te confundiste con una alondra un día,

te desplomaste otros como el granizo grave.

Ya sabes que las vidas de los demás son losas

con que tapiarte: cárceles con que tragar la tuya.

Pasa, vida, entre cuerpos, entre rejas hermosas.

A través de las rejas, libre la sangre afluya.

(...)

2010-02-02T17:14:00.003+01:00

O Club de adultos, de volta xa dun soño de Rinocerontes e Quimeras, viaxa desta vez a un pequeno pobo de montaña alemán pouco despois da 2ª Guerra Mundial. Ata alí nos conducirá Philippe Claudel, ao que algúns de nós xa coñecemos por outra das súas conmovedoras obras: La nieta del señor Lihn, ou incluso pola súa incursión no cine coa película Hace mucho que te quiero.

As numerosísimas críticas favorables, os premios recibidos e a simple lectura das súas primeiras páxinas son garantía de que El informe de Brodeck vai ser unha lectura deliciosa.

Hai un exemplar esperando por cada un na biblioteca e o Foro de Moodle está aberto 24 horas ao día para recibir dende XA as vosas primeiras impresións.

J.D.SALINGER

2010-01-29T15:58:00.004+01:00

Onte coñecimos a noticia do falecemento, aos 91 anos, do escritor Jerome David Salinger, autor da obra que está a ler o grupo de 4º: The catcher in the rye, 1951 (El guardián entre el centeno, EDHASA). A novela está protagonizada por Holden Caulfield, un rapaz que narra as súas peripecias por Nova York despois de ser expulsado da escola secundaria. Holden rebélase ante as convencións sociais, convertíndose así nun símbolo do resentimento adolescente.
Unha rebeldía semellante marcou a vida de Salinger, quen sempre fuxiu da fama e defendeu incansable a súa privacidade. Aínda que a súa obra publicada non é moi extensa, a realidade é que nunca deixou de escribir. Afirmaba rotundo: "Amo escribir, pero para min mesmo e para o meu pracer”. Xenio e figura.

Campos de fresas, Jordi Sierra i Fabra

2010-01-21T11:03:00.008+01:00

Novo libro de lectura para o grupo de lectura de
1º ESO.

Despois dunha reñida votación entre varios títulos, gañou esta novela.

A historia, que transcurre nunha poboación non localizada, arranca un venres pola noite a partir dun suceso tráxico: Luci entra en coma como consecuencia dun "golpe de calor" provocado pola inxesta dunha pastilla de éxtasis.

Seguiremos os pasos dos seus amigos e familiares durante unha fin de semana e veremos cal é o desenlace.

Este libro de seguro vos fará reflexionar, e esas reflexións son as que quero que resaltedes nos vosos comentarios.

Para saber mais sobre o escritor:

COMEZA O ESPECTÁCULO

2009-12-13T18:32:00.003+01:00

O club de adultos vai pasar un Nadal de Circo: feiras ambulantes, criaturas extraordinarias, autómatas, misterios, segredos, feras, tenrura, pallasos, amizade e espectáculo.
Mañá luns repartiremos os exemplares de Rinocerontes e quimeras entre os atrevidos lectores e o foro xa está aberto para ir coñecendo as vosas primeiras impresións e para descubrir xuntos as terribles historias de nenopingüín, nenapaxaro, nenasiamesas, nenaxirafa e nenolifante ...

Todos temos algo deles,

todos somos eles...,

con cal te identificas ti?

O enigma de Embívicus.

2009-12-08T15:19:00.010+01:00

Autor: Xosé Antonio Perozo

Ilustrador: Pepe Carreiro

Xa fixéstedes uns primeiros comentarios, ubicados na entrada "Comezamos", do 14 de outubro, pero decidín facer esta entrada para que fagades os últimos comentarios e escribades as vosas conclusións.

Este libro deunos algo de traballo, algúns non daban arrancado con el. Foi collendo adeptos polo camiño.

Recordade que na vindeira reunión do mércores 16 de decembro, teremos que telo rematado.

EL MUNDO SEGÚN LARRY

2009-11-24T17:44:00.005+01:00

Preparados para cambiar o mundo o grupo de lectores de 3º e 4º, Os anónimos, reunirémonos mañán as 15.30.
Seica as marcas de lectura foron superadas con creces e moitos de vos non puidéchedes resistir a tentación de rematar a lectura. Cando un libro engancha dese xeito hai que deixarse levar e saborear con pracer cada unha das páxinas sen descanso pero OLLO, non podedes desvelar os segredos que agocha ata que TODOS rematen al lectura!

Para os curiosos e tal vez xa "enganchados" a Larry estes ENLACES:

Un foro, na páxina de Laura Gallego, no que varios lectores coma vos expoñen as súas impresións sobre este libro.
A información da Wikipedia sobre a autora, Janet Tashjian, onde podemos comprobar que existen 2 libros posteriores non traducidos ao castelán: Vote for Larry (2004) e Larry and the meaning of life (2008) (tal vez algún de vos se anime a lelos en inglés).
Algúns blogs onde se comenta este libro: El oráculo del Beno, Desde el retrete.

Para os que pensan que TODOS podemos facer algo para cambiar este mundo, dúas RECOMENDACIÓNS:

Ver esta fermosa película: Cadena de favores.
Comezar polo máis sinxelo: levantarse cada mañá co firme propósito de prescindir do superficial e saborear o que realmente importa.

Para todo o grupo, UN RETO:

Quen escribe o primeiro sermón do noso blog para cambiar o mundo?

ATRÉVETE A SER DIFERENTE!

AUTOBIOGRAFÍA DE UN COBARDE

2009-11-18T15:49:00.007+01:00

Hoxe, mércores 18, "Os anónimos" (club de lectura de 3º e 4º) reuníronse para comentar o remate da novela do recentemente premiado Alfredo Gómez Cerdá. Estas foron as súas conclusións:

O final do libro non nos gustou, debido a que o desenlace é o "de sempre", esperabamos outra cousa, como unha morte... un final triste.
Despois, á hora de narrar, moi repetitivo. O personaxe que menos nos gustou foi Jonatan e o que máis Pam, xa que é unha rapaza de bo corazón, madura e responsable. Pola contra Edu non se mostra maduro ata o final.
Hai que ser fiel a un mesmo e non deixarse levar polo que pensan os demais,
esa é a mensaxe que nós interpretamos, a principal. Atenta contra os xenófobos, xa que Pam representa a unha estranxeira e é unha rapaza normal, con bos sentimentos.

"Anónimos de 3º e 4º"

Aproveitamos tamén para repartir os exemplares da nosa seguinte lectura: El mundo según Larry: unha emocionante novela que de seguro nos dará moito que falar nas vindeiras reunións.

Atrevédevos a intentar cambiar o mundo?

J.London: MARTIN EDEN

2009-11-14T01:07:00.002+01:00

O grupo de adultos (que non maiores) comezamos nova aventura da man de Jack London e a súa novela Martin Eden.

Na reseña da edición de Akal lemos: "Un mariñeiro de 20 años, forte, guapo e curtido, cun historial de delincuencia e traballo rudo, é invitado case por accidente a cenar nun fogar pequeno burgués. Queda fascinado ante o que se lle presenta coma cultura e civilización. A partir dese momento sinte que ten «un mundo por conquistar», e a rapaza que o acolle pensa que debe salvalo.

É "Martin Eden" (1909) a máis autobiográfica das obras de Jack London. Incomprendida no seu momento foi co tempo lectura inolvidable para xeracións de escritores. Esta tradución é a única íntegra en español."

Atoparedes máis información en El alma impresa e Solodelibros.

Vémonos no foro!

PASAMOS PÁXINA

2009-11-08T19:27:00.003+01:00

Continuamos pasando as páxinas das nosas lecturas. Os grupos de 3º e 4º xa van rematando a realista historia de Autobiografía de un cobarde de Gómez Cerdá, e proximamente teremos aquí publicadas as súas valoracións da obra.

O grupo de adultos tamén damos por rematada a lectura de Y punto de Mercedes Castro, unha novela que trascende o xénero policíaco e provoca opinións máis que dispares.

DELETREANDO

2009-10-18T20:49:00.003+02:00

Hora de Ler, Plan lector, fomento da lectura, recomendacións de libros...

realmente funcionan?

Ou teremos que presentar aos nosos alumnos o marabilloso mundo dos libros dunha maneira máis especial?

Así presenta a compañía FLASH TEATRO o espectáculo DELETREANDO, no que combinan diferentes técnicas como o mimo, os monicreques, as sombras... para crear un ambiente cheo de maxia e ilusión.

Deberíamos aprender un pouco dese xeito de achegar a lectura aos rapaces?

COMEZAMOS!

2009-10-14T12:37:00.003+02:00

O pasado mércores 7 de outubro reunímonos para presentar o Club de Lectura e os primeiros títulos para este novo curso.

Presentacion Club De Lectura09

View more presentations from equipobiblio.

PROBANDO FORO MOODLE

2009-10-06T08:10:00.004+02:00

Curso novo, tecnoloxías novas. Imos aló queridos membros do Club de Lectura de adultos.

Como xa recibíchedes por e-mail as vosas contraseñas non tedes máis que pinchar na imaxe da portada da novela que acabamos de ler para acceder ao foro en Moodle.

Fácil e sinxelo, en só dous pasos:

Non esquezades cambiar o voso contrasinal (ou poderemos acceder co voso nome e escribir canta maldade se nos ocurra).
e despois, a contarnos todo sobre Clara Deza e a súa apaixoante vida laboral e persoal...

VISIÓN POÉTICA DO LIXO

2009-09-28T18:26:00.004+02:00

CÁNTICO DOLOROSO AL CUBO DE LA BASURA

Tu curva humilde, forma silenciosa,
le pone un triste anillo a la basura.
En ti se hizo redonda la ternura,
se hizo redonda, suave y dolorosa.

Cada cosa que encierras, cada cosa

tuvo esplendor, acaso hasta hermosura.

Aquí de una naranja se aventura

la herida piel silente y penumbrosa.

Aquí de una manzana verde y fría
un resto llora zumo delicado
entre un polvo que nubla su agonía.

Oh, viejo cubo sucio y resignado,
desde tu corazón la pena envía
el llanto de lo humilde y lo olvidado.

Rafael Morales

PRAZO DE INSCRICIÓN

2009-09-23T17:07:00.003+02:00

Mañá xoves 24 de setembro comeza o prazo de inscrición para todos os que estedes interesados en participar no club de lectura. Podedes pasar pola biblioteca á hora do recreo para dar os vosos datos persoais. Lembrade que as reunións serán os mércores ás 15,30h e terán unha periodicidade quincenal.
Xa temos algunhas propostas de lecturas para diferentes idades:
-El puente roto de Philip Pullman
-Alicia no País das Marabillas de Lewis Carroll
-El sabueso de los Baskerville de Conan Doyle
-La mecánica del corazón de Mathias Malzieu
-Ela atopa un nome de Manuel Lourenzo
-Anxos en tempos de chuvia de Miguel Vázquez
-De maior quero ser de Rosa Aneiros

Agardamos as vosas suxestións. O prazo de inscrición remata o mércores 30 de setembro. As reunións do club comezarán o día 7 de outubro.

Animádevos!!

DE VOLTA

2009-09-14T20:36:00.003+02:00

Charles Edward Perugini

Remata o verán e o club de lectura retoma as reunións onde as deixou: no momento máis emocionante, como nos bos remates de capítulos.

O novo curso está a piques de comezar. Proximamente abriremos o prazo de inscrición para todos os interesados en participar no club, tanto alumnado de Secundaria como adultos. Visto o éxito de cursos anteriores, temos a certeza de que esta convocatoria tamén terá moitos seguidores.

Na nosa caixa de correo podedes deixar as vosas suxestións e recomendacións para este curso.

SECRETO

2009-06-19T17:16:00.003+02:00

Antes yo no sabía

por qué debemos todos

- día tras día-

seguir siempre adelante

hasta como se dice

que el cuerpo aguante.

Ahora lo sé.

Si vienes conmigo

te lo diré.

José Agustín Goytisolo

LA SONRISA ETRUSCA, J.L. Sampedro

2009-05-28T21:19:00.005+02:00

Onte tivemos reunión do club de lectura de 4º de ESO. Falamos de La sonrisa etrusca, o libro de J.L. Sampedro que nos ten engaioladas.

Non houbo máis que comentarios eloxiosos sobre a maneira de presentar ao protagonista, o vello aldeán de Calabria, ao sur de Italia, que vai vivir a Milán co seu fillo, a súa nora e o pequeno Brunettino, o netiño no que ve a continuación de si mesmo. Ese neno pasará a ser o centro da súa existencia, a fonte de tenrura que nunca pensou ter nin sentir.

É unha historia emotiva e fonda, que nos fai reflexionar sobre o paso do tempo, a vellez, a enfermidade, a morte, a incomunicación, a mentalidade machista e tantos outros temas graves que aparecen acompañados dun certo ton humorístico.

Na vindeira reunión comentaremos o desenlace desta novela.

VACAS MORTAS

2009-05-13T21:18:00.003+02:00

Na reunión de hoxe do grupo de 4º comentamos a nosa derradeira lectura, a novela de Jaureguizar A cova das vacas mortas. Coma sempre houbo diversidade de opinións e valoracións. Velaquí unha mostra:

AROA dixo: Ao principio a historia non me enganchou, pero ao aparecer Iria comeza a emoción e o misterio coa desaparición do avó.

ELVIRA: O libro gustoume pero ás veces é un pouco repetitivo. O personaxe que máis me gustou foi o da nai de Xoel, con todas as celebracións que facía cando saía do cárcere.

ÁNGELA: O libro gustoume porque lle dá a volta ao tópico do fillo drogado e a nai preocupada.

VERÓNICA: A historia non está mal, pero ás veces cando fala o avó resulta un pouco pesado porque non conta historias divertidas. Por outra banda a vida de Xoel era un caos porque estaba na miseria e a súa nai pasaba de todo.

ALICIA: Paréceme unha historia algo entretida. Gustoume a relación de Iria e Xoel e como marchan xuntos ao final. Pero en conxunto non me atrae.

LORENA: A historia en si está ben, pero ao principio pareceume aburrida. Gustoume cando Xoel comeza a saír con Iria e se namoran. Xoel é un rapaz moi responsable: coida máis el da súa nai que a nai de el.

O CLUB DE ADULTOS ESTÁ DE ESTREA

2009-05-05T16:50:00.007+02:00

Xa case para rematar o curso os membros do Club de lectura de adultos embarcámonos nunha sesión doble, ao estilo das antigas sesións contínuas do cine da nosa infancia.

Escollemos desta vez dúas obras ben diferentes, de autores consagrados e premiados e que nos trasladarán a lugares lonxanos e exóticos tanto polos continentes nos que se desenvolven coma polas situacións e vivencias dos seus protagonistas:

El africano de J. M. G. Le Clézio, premio Nobel de Literatura 2008, un relato pseudoautobiográfico do que o seu propio autor di:

"Durante moito tempo imaxinei que miña nai era negra. Inventara unha historia, un pasado, para fuxir da realidade, ao meu regreso desde África a Francia, onde non coñecía a ninguén, onde me convertera nun extranxeiro. Máis tarde descubrín, cando meu pai volveu a vivir con nós en Francia, que o africano era el. Foi difícil admitilo. Debín retroceder, recomenzar, tratar de comprender. En recordo de todo iso escribín El africano.

E Tras do solpor (After dark) obra do autor xaponés Haruki Murak am i, traducido por primeira vez ao galego pola editorial Galaxia e que nos presentan así:

"En Toquio, no tempo que vai da medianoite ao mencer, inícianse e remátanse as historias desta novela. No seu centro, dúas irmás: Eri, ensumida no sono do esquecemento, e Mari, a lectora solitaria. Cabo delas, un mozo trombonista de jazz, as empregadas dun love hotel e un frío e escuro executivo. Xente da noite, vidas que conflúen, segredos descubertos e preguntas que ás veces non precisan resposta."
Dúas lecturas que prometen emocións e longos e cativadores debates para os que tentaremos estrear o noso foro Moodle.

Non abandonaremos as nosas deliciosas reunións de café e libros, iso non, pero si probaremos esta nova ferramenta que nos permitirá falar dos libros e de todo o que nos fagan sentir e pensar.

Atentos todos, e sobre todo aqueles aos que lles resulta máis difícil acudir ás reunións presenciais!

Para acceder ao noso foro debedes pinchar neste enderezo http://centros.edu.xunta.es/cpisanvicente/moodle/ e acceder coas claves que vos asignaremos cando veñades pola biblioteca.

Novas ferramentas, novas formas de comunicación, novas tecnoloxías,

... quen dixo medo?

A NOITE QUE WENDY APRENDEU A VOAR, Andreu Martín

2009-04-21T21:31:00.003+02:00

Na vindeira reunión do grupo de lectura de 4º imos comentar a novela A noite que Wendy aprendeu a voar de Andreu Martín (prolífico escritor de obras tan coñecidas como as protagonizadas por un dectective adolescente: Flanagan).

Esta obra, gañadora do XI Premio Bancaixa de Literatura Xuvenil, comeza cando Roger Dueso e Wendy Aguilar, policías de Barcelona, reciben un aviso dun código 60: un asasinato. Recaerá sobre Wendy a resolución deste caso que nos levará cun ritmo trepidante por diferentes escenarios da noite barcelonesa, relacionando esta morte coa orde secreta dos Illuminati. A ninguén deixará indiferente esta historia de loita pola vida, morte, arte e, por suposto, amor.

BRUMAS DE OCTUBRE no mes de abril ;-)

2009-04-13T09:59:00.005+02:00

Adolescencia, conflictos escolares, rebeldía, incomprensión familiar, amores imposibles, profes, alumnos, notas, titores e os irrompibles lazos da amizade. Con estes ingredientes será difícil desencantar ao grupo de lectores de 3º.

Nestas vacacións de pascua levamos todos nas nosas maletas Brumas de octubre (premio Gran Angular 1993) da escritora galega Lola Gándara (autora de outros títulos coñecidos de literatura xuvenil como Gúardate de los Idus, A escura lus do Tíber, Una aguja envenenada ou a máis recente El robo de la perla).

O próximo mércores vos daremos noticia das nosas impresións sobre os problemas de Miguel, Vero, Leti, Couselo...

EL CONSUELO, Anna Gavalda

2009-03-23T19:36:00.003+01:00

O club de lectura de adultos está embarcado noutra apaixoante aventura. Esta de verdade! Estamo a ler El consuelo da escritora francesa Anna Gavalda (La Plus Belle Lettre d'amour, 1992 ; Je voudrais que quelqu'un m'attende quelque part, 1999; Ceux qui savent comprendront, 2000; L'échappée belle, 2001; 35 kilos d'espoir, 2002; Je l'aimais, 2002; Ensemble, c'est tout, 2004).

Conta unha historia chea de ternura, humor, sufrimento, soidade, familia, recordos, vivencias, pasado, presente, cidade, campo... A novela está protagonizada por Charles Balanda, un arquitecto de 46 anos inmerso nunha crise persoal e profesional. O estilo é sinxelo, aínda que poden entorpecer a lectura as sucesivas alternancias no punto de vista narrativo. Que ninguén se desanime, paga a pena o pequeno esforzo para disfrutar desta marabillosa historia de... amor?

Misterios e morcegos

2009-03-18T08:04:00.009+01:00

Unha casa misteriosa, un perigoso pantano asasino, un rapaz morto, unha extraña bañeira cuberta cunha saba... Os lectores de 3º estamos cativos desta espeluznante historia (El lugar de los murciélagos, de Joan Manuel Gisbert). Que será de Elma?, que pretende o señor Graña? Por que non fuxe de alí xa?

Eu creo que Elma non quere fuxir da casa por culpa de que Graña é un manipulador, non só por iso, senón que tamén creo que non marcha pola intriga de saber por que morreu Jorge. (Alicia)

Eu recoméndolle o libro a todos. O principio é un pouco aburrido, pero despois vaise poñendo moi interesante. A min nalgúns momentos incluso me dá medo. (Noelia)

Pois non vou moi adiantada, pero teño ganas de seguir. Polas opinións dos meus compañeiros o libro promete, e confio na súa opinión, por iso recomendo como eles este libro, e espero pronto acabar coa intriga. (Diana)

A min gustoume moito o que lin. É moi emocionante e paréceme interesante . Eu recoméndoo porque creo que lle pode gustar a todos. (DANIEL)

Paréceme un libro interesante e moi misterioso en tódolos aspectos recoméndoo. (JULIO)

COMENTARIOS SOBRE "O SEÑOR IBRAHIM E AS FLORES DO CORÁN"

2009-03-15T18:17:00.005+01:00

Os alumnos e alumnas de 4º curso de Diversificación Curricular remataron a lectura de O señor Ibrahim e as flores do corán de Eric -Emmanuel Schmitt. Estas son algunhas das súas opinións:
O libro gustoume moito, pero o final non o esperaba así.

Foi un dos poucos libros que rematei de boa gana. Paréceme moi duro que o pai abandoe a Momo cos once anos que tiña daquela. (Tania)

Este é un libro moi interesante, é un relato moi sinxelo de ler e pouca extensión. Dos libros que lin durante o curso, creo que é o que máis me gustou de todos. O que menos me gustou foi o final porque non pensaba que remataría así. (Martín)

Este é un dos libros que máis me gustou de todos os que lin este ano. Unha das cousas que máis me gustou foi que o tendeiro sabía que Momo, o rapaz, roubaba, pero aínda así decide ser amigo seu, e acaban sendo moi bos amigos. O que menos me gustou foi que o pai tratase mal a Momo e que o comparase co seu irmán, e que ao final morrese Ibrahim. (Pablo)

Nos vindeiros días veremos a película baseada nesta fermosa historia. Velaquí un adianto.

E MÁIS!

2009-03-12T22:40:00.005+01:00

O pasado mércores tivemos reunión os de cuarto. Rematamos a lectura de Autobiografía de un cobarde de A. Gómez Cerdá. Foron moitos os temas que tratamos na charla: a inmigración, a xenofobia, as relacións cos pais, a dependencia dos amigos, o primeiro amor, a violencia... Todas as opinións coincidiron en valorar dun xeito moi positivo este libro pola temática e, especialmente, pola peculiar maneira de contar esta historia, cunha linguaxe moi próxima e sen empregar case signos de puntuación.

Coas seguintes lecturas faremos un percorrido pola novela gráfica e a banda deseñada: Maus, Barrio lejano, Courtney Crumrin, Cinema Panopticum, Arrugas, El sonido de los colores...

Xa vos contaremos o resultado desta apaixoante viaxe.

EDUCAR ES...

2009-03-08T22:18:00.002+01:00

Educar es lo mismo

que poner un motor a una barca...

hay que medir, pensar, equilibrar...

... y poner todo en marcha.

Pero para eso,

uno tiene que llevar en el alma

un poco de marino...

un poco de pirata...

un poco de poeta...

y un kilo y medio de paciencia concentrada.

Pero es consolador soñar

mientras uno trabaja,

que ese barco, ese niño

irá muy lejos por el agua.

Soñar que ese navío

llevará nuestra carga de palabras

hacia puertos distantes, hacia islas lejanas.

Soñar que cuando un día

esté durmiendo nuestra propia barca,

en barcos nuevos seguirá

nuestra bandera enarbolada.

Gabriel Celaya

SHAKESPEARE CON LIMÓN, POR FAVOR

2009-03-03T20:14:00.004+01:00

"...AS FANTASÍAS SON O ÚNICO ESPAZO ONDE HABITA A XUSTIZA QUE COMPENSA A NATUREZA XIBOSA DA REALIDADE"

Así comeza, pouco máis ou menos, O Globo de Shakespeare, a obra de Jaureguizar que estamos a ler no grupo de adultos.

Esa realidade xibosa tan evidente no personaxe de Ricardo, déixase ver tamén no resto de homes e mulleres que habitan esta novela. Nós mesmos formamos parte desa farsa cotiá en canto seres imperfectos...

E os limóns? Que pintan nesta historia?

Algún xa rematou a lectura, outros case tamén, así que os rezagados bulide!, que xa é tempo de reunirnos e falar vagariño deste microcosmos do pasado/presente.

MÁIS LECTURAS

2009-02-27T21:25:00.009+01:00

O grupo de adultos estamos a ler a derradeira novela de Santiago Jaureguizar, O Globo de Shakespeare (Xerais), Premio Terra de Melide 2008. Este bilbaíno afincado en Galicia que traballa no xornal El Progreso de Lugo, é autor de varias novelas xuvenís das que destacan A Cova das Vacas Mortas (2006, Premio da Fundación Caixa Galicia) e Plastilina nos pulmóns (2007).

En 4º temos dous grupos de lectores. Un deles vai ler Autobiografía de un cobarde de Alfredo Gómez Cerdá (SM), protagonizada por Edu, un rapaz de 16 anos que deberá tomar unha difícil decisión.

O outro grupo de 4º está a ler O señor Ibrahim e as flores do Corán de Eric-Emmanuel Schmitt, unha breve historia sobre unha amizade moi especial.

O club de 2º de ESO comezou a lectura dunha interesantísima obra titulada El mago de Hitler, de P. Bernauw e Guy Didelez, baseada nun personaxe real: Erik Jan Hanussen, vidente e ilusionista xudeu que foi amigo de Adolf Hitler, ata que desapareceu e a vida da súa familia cambiou radicalmente.

Finalmente, o club de 3º, seguindo o ronsel dos seus compañeiros de 4º están a sumerxirse nos misterios que inundan a vida da xoven Elma cando é acollida xenerosamente pola familia Reinosa en El lugar de los murciélagos de Joan Manuel Gisbert.

GASOLINA, POR FAVOR

2009-02-12T16:45:00.005+01:00

Rematada a lectura de La chica que soñaba con una cerilla y un bidón de gasolina, de S. Larsson, celebraremos o vindeiro martes 17 unha nova reunión do grupo de lectura de adultos.

Beberemos café, comeremos sándwichs e falaremos do decepcionantes

- ou non -

que poden resultar certos libros. Comentaremos o inesperado xiro do personaxe máis prometedor da primeira parte: Lisbeth-McGiver-Salander e polemizaremos sobre as diferentes maneiras de crear un produto de consumo doado, coas consecuencias que provoca o "fast-food": dor de tripa e mal sabor de boca.

PIENSO MESA Y DIGO SILLA

2009-02-09T09:54:00.010+01:00

Pienso mesa y digo silla,

Compro pan y me lo dejo,

Lo que aprendo se me olvida,

Lo que pasa es que te quiero.

La trilla lo dice todo;

Y el mendigo en el alero,

El pez vuela por la sala

El toro sopla en el ruedo.

Entre Santander y Asturias

Pasa un río, pasa un ciervo,

Pasa un rebaño de santas,

Pasa un peso.

Entre mi sangre y el llanto

Hay un puente muy pequeño,

Y por él no pasa nada,

Lo que pasa es que te quiero.

GLORIA FUERTES

2009-02-06T18:25:00.005+01:00

O club de lectura de 3º volve ao cómic.

Despois de sufrir (ata as lágrimas algunha que outra) coas paixóns e dores Aki e Sakutaro. Despois de empaparnos de costumes e amores orientais. Volvemos ao cómic (banda deseñada, novela gráfica... cal será o termo correcto?).

Unha nova selección de títulos para compartir e saborear entre todos, con temáticas e estéticas moi variadas: inmigración nas grandes cidades europeas, intriga policíaca, animais humanizados, infancia e espertar á vida adulta, aventuras fantásticas... Ninguén quedará decepcionado, iso seguro.

A nosa selección: La memoria en los bolsillos de Etienne Le Roux, Historias color tierra, de Kim Dong-Hwa, Billy Avellanas de Tony Millionaire e Blacksad 2 e 3 de Guarnido e Canales.

Tal vez as que abandonaron o barco teñan tentacións de volver a subir a bordo... (Ata pronto Desiree, Laura P. e Laura V.)

MALDITO

2009-02-05T16:58:00.004+01:00

Maldito seas, Amor, perpetuamente,
tu nombre, tu saeta, venda y fuego;
tu nombre, que con tal desasosiego
me fuerza a andar perdido entre la gente;

tu flecha, que me hizo así obediente;
de aquella falsa, de quien ya reniego;
tu venda, con que me hiciste ciego
y así juzgué por ángel la serpiente;

y el fuego sea maldito, cuya llama
no toca al cuerdo, que es muy gran locura,
y al necio sólo su crueldad consiente.

Y así el cuitado espíritu que ama
dirá, tu rostro viendo o tu figura:
«Maldito seas, Amor, perpetuamente».

Francisco de Figueroa

ARS AMANDI

2009-02-02T18:30:00.005+01:00

Este mes de febreiro, dedicado ao amor, bríndanos a excusa perfecta para elaborar unha pequena lista de recomendacións de novelas, obras de teatro ou poemarios que teñan como tema principal o amor, en calquera das súas vertentes.

Velaquí a miña proposta:

Que me queres, Amor?, de M. Rivas.

El amor en los tiempos del cólera, de G. García Márquez.

Madame Bovary, de G. Flaubert.

Seda, de A. Baricco.

Romeo e Xulieta (of course), de W. Shakespeare.

La voz a ti debida, de P. Salinas.

Cal é a vosa proposta literaria?

NOVIDADES!

2009-01-27T21:01:00.004+01:00

Hai moito tempo que non damos sinais de vida, pero iso non debe ser motivo de preocupación. Todo o contrario. Estamos inmersos en tantas e tan variadas lecturas que non atopamos momento para sentarnos diante do ordenador!

Fagamos un breve repaso:

O grupo de Primeiro está a ler Made in Galiza de Séchu Sende, un conxunto de historias cun denominador común: a defensa da lingua galega.

O alumnos de Segundo continúa a lectura dunha novela apaixoante, La historia interminable de Michael Ende.

Os grupo de Terceiro e máis Cuarto de Diversificación optaron por ler unha selección de cómic e novela gráfica.

As alumnas de Cuarto van rematar El lugar de los murciélagos de Joan Manuel Gisbert, unha historia de misterio e sucesos que non teñen explicación.

Os compoñentes do grupo de adultos recibimos xa (grazas Loly) a segunda parte da triloxía Millennium de S. Larsson, La chica que soñaba con una cerilla y un bidón de gasolina.

Xa vedes que a actividade é incesante e o tempo escaso, moi escaso...En fin, boas lecturas.

DESNATADA

2009-01-16T14:59:00.003+01:00

DESNATADA

Estoy al borde de ser borde,

me lo noto.

El precipicio crece,

estoy cansada.

Estoy al borde de ser borde,

estoy a punto

de nieve

mucha nieve. Estoy helada.

Estoy al borde de ser borde

y duele mucho.

¡Dios mío, hazme mediocre!

Estoy cansada

de apostarme la vida a cada instante,

de ir desnuda y verter en todo, el alma.

Déjame que me quede aquí

en el medio,

envuelta en celofán,

bien razonada.

Dame mesura, Dios,

dame mesura,

mesura chapucera y cotidiana.

Hazme mediocre, Dios,

hazme mediocre.

En vez de corazón,

una ensaimada.

Y el alma en tetra-brik

para que dure...

Ten compasión

y hazme desnatada.

BELÉN REYES del libro” Desnatada ”

NOCHE Y NIEVE

2009-01-10T09:31:00.002+01:00

Noche y nieve

Me asomé a la ventana y en lugar de jardín

hallé la noche

enteramente constelada de nieve.

La nieve hace tangible el silencio y es el desplome

de la luz y se apaga.

La nieve no quiere decir nada:

Es sólo una pregunta que deja caer

millones de signos de interrogación

sobre el mundo.

José Emilio Pacheco

NIÑA, Octavio Paz

2008-12-31T09:59:00.004+01:00

Niña

Nombras el árbol, niña.

Y el árbol crece, lento,

alto deslumbramiento,

hasta volvernos verde la mirada.

Nombras el cielo, niña.

Y las nubes pelean con el viento

y el espacio se vuelve

un transparente campo de batalla.

Nombras el agua, niña.

Y el agua brota, no sé dónde,

brilla en las hojas, habla entre las piedras

y en húmedos vapores nos convierte.

No dices nada, niña.

Y la ola amarilla,

la marea de sol,

en su cresta nos alza,

en los cuatro horizontes nos dispersa

y nos devuelve, intactos,

en el centro del día, a ser nosotros.

Octavio Paz, Bajo tu clara sombra (1935-1944)

AMARÁS A LECTURA

2008-12-19T17:59:00.002+01:00

Os lectores do club de adultos recollimos hoxe os exemplares que amablemente nos enviaron desde o I.E.S. de Fene (grazas, Loly) da novela de Stieg Larsson Los hombres que no amaban a las mujeres. Algúns miraban incrédulos as máis de 650 páxinas da obra elexida, e non pensaban ser quen de rematar a lectura no tempo marcado. Polo que teño escoitado sucede todo o contrario: é un libro que se devora coa ferocidade de quen precisa saber que acontece a continuación, e cando se decata... xa rematou!

Ánimo, lectores, que temos moitos días por diante para mergullarnos nesta e noutras lecturas.

Boas vacacións e feliz aninovo!

NO COJAS LA CUCHARA CON LA MANO IZQUIERDA

2008-12-15T17:22:00.003+01:00

No cojas la cuchara con la mano izquierda.

No pongas los codos en la mesa.

Dobla bien la servilleta.

Eso, para empezar.

Extraiga la raíz cuadrada de tres mil trescientos trece.

¿Dónde está Tanganika? ¿Qué año nació Cervantes?

Le pondré un cero en conducta si habla con su compañero.

Eso, para seguir.

¿Le parece a usted correcto que un ingeniero haga versos?

La cultura es un adorno y el negocio es el negocio.

Si sigues con esa chica, te cerraremos las puertas.

Eso, para vivir.

No seas tan loco. Sé educado. Sé correcto.

No bebas. No fumes. No tosas. No respires.

¡Ay sí, no respirar! Dar el no a todos los nos.

Y descansar: Morir.

Biografía, GABRIEL CELAYA

"Había algo falso en mi trabajo de ingeniero sin vocación, y en mi postiza vida de burgués, y en mi actividad de escritor que no publicaba. Y contra este malestar, mi cuerpo dijo su palabra. Y caí enfermo, sin que nadie supiera explicar cuál era mi enfermedad."

CALCETAR: UN ACTO DE RESISTENCIA

2008-12-09T16:13:00.003+01:00

Rematada a lectura de O club da calceta, a novela de María Reimóndez, chegou o momento de compartir opinións, reflexións, sentimentos, emocións.

Di Roberto: "Bueno compañeras/os del club de lectura, aquí os pongo unas breves reflexiones de mi lectura (apasionante lectura de nuestro libro de CALCETA). Aunque al principio debo confesar que Matilde y la Tía Davinia no acababan a convencerme del todo, dándole un voto de confianza a la historia (toda historia lo merece,no?), fui cayendo en las garras de estas historias(apasionantes todas y a la vez desgarradoras, no?), todas de una realidad tan evidente, tan cotidiana....Tengo que decir que la historia de Antonia y Elvira, la valentía de estas dos beatas de luchar por lo que más quieren (esa imagen de madera), me llegó, y me hizo apenas sonreír por esa aventura que ellas traman llevar a cabo. Sin olvidar la hipocresía que, de la institución o... de algunos miembros de la misma, nos plasma María Reimóndez, y a la que "se cadra" ya estamos acostumbrados...Desgarradora me parece también la historia de Luz, que no es solo la historia de Luz, sino de tantas otras como vemos todos los días...Y, aunque ya hayamos leído el libro quiero rescatar aquí unas líneas de la historia de Alicia Pereira que lo dicen todo: "...non quere ser unha ovella, é unha leoa.Cre que pode Negarse. Que pode Decidir. As outras teñen pánico porque saben que a resistencia provoca conflitos. Costelas rotas. Narices partidas. Dedos esmagados. Queimaduras. Abortos non queridos"... Vaya la historia que nos ha traido la Tía Davinia y ese Club da Calceta...Será que un Club de Calceta puede tener tanta fuerza?? A este por lo menos no hay quien lo pare!!!!!

Di Anasus: "Eu tamén rematei a lectura destas historias apaixoantes! Non era quen de deixar de ler, que personaxes tan interesantes atopei nesta obra. E que diferentes entre elas as mulleres protagonistas.

Pero... sempre hai un pero.O curioso é que só un personaxe do sexo masculino queda ben parado, o único que parece ter dereito a ser querido (aínda que a súa propia muller desconfíe de tantas atencións cara ela - será certo iso de que os coxos son recelosos?). María Reimóndez quere denunciar situacións de opresión, discriminación, abuso...Ata aquí de acordo, pero realmente son maioría os individuos irrespectuosos, covardes, abusóns e animais?? Como é posible que no mesmo club de calceta se concentren tantas desgracias? Non resulta un pouco forzado?

Mágoa non ter continuado polo camiño que nos abría a historia da tía Davinia, o seu pasado e as súas aparicións á boa de Matilde."

HISTORIA NAS HISTORIAS

2008-11-27T17:08:00.005+01:00

Os grupos do club de lectura de Primeiro e Segundo da ESO coincidiron en revivir a Historia nas súas lecturas.
Os de Primeiro remataron El niño con el pijama de rayas de J. Boyne e asistiron ao cine para ver a adaptación cinematográfica deste best-seller.

Os alumnos de Segundo continúan a ler unha emotiva historia: Diario en un campo de barro de Ricardo Gómez. A protagonista é Nushi, unha adolescente kosovar que pasou un ano de acollida en España durante a guerra da antiga Iugoslavia. No seguinte enlace atoparedes unha estupenda guía de lectura da novela.

Agardamos impacientes os comentarios destes novos lectores.

A CALCETAR!

2008-11-26T19:17:00.008+01:00

No club de lectura de adultos rematamos o tempo dedicado a Millás e os seus contos de Los objetos nos llaman. É unánime a acollida tan positiva desta lectura e numerosas as reflexións que os personaxes e situacións que no libro aparecen provocan en cada un de nós. Gustaríame despedir a Millás (ata outra, claro) cun fragmento doutro libro delicioso: Articuentos, pequenos textos publicados na prensa que mesturan opinión e ficción. Escribe o autor sobre a lectura e os libros:

"El libro es un agujero negro cuya atracción es tal que absorbe y distorsiona todo lo que sucede cerca de él, incluidos el tiempo y el espacio. De manera que a lo mejor son las ocho de la mañana y tú vas en el autobús a la oficina, pero de súbito eres arrebatado por esa masa gravitatoria llamada libro, que llevabas en la mano o en el bolso, y apareces en un escenario diferente, identificado, por ejemplo, con un individuo que se lava las manos llenas de sangre en la pila de una cocina francesa, mientras en el dormitorio de esa misma casa ha empezado a enfriarse un cadáver. Y no son las ocho de la mañana, sino las diez de la noche. Y no es primavera, sino invierno. Y tú no eres ese sujeto sin pasado que ahora se baja del autobús, sino este otro que, después de borrar las huellas dactilares de las copas de coñac, se pone un abrigo oscuro y huye escaleras abajo."

O noso próximo obxectivo é O club da calceta de María Reimóndez . A autora fai unha profunda reflexión sobre a condición feminina. Presenta a seis mulleres que viven circunstancias moi diferentes e coinciden en clases de calceta.

Ábrese un novo debate: literatura feminina? novela para mulleres? ou a creación literaria non entende de fronteiras sexistas??

EU LEO, TI...

2008-11-22T11:35:00.003+01:00

Leer, leer, vivir la vida

que otros soñaron.

Leer, leer, leer, el alma olvida

las cosas que pasaron.

Se quedan las que quedan,

las ficciones,

las flores de la pluma,

las olas, las humanas creaciones,

el poso de la espuma.

Leer, leer, leer; ¿seré lectura

mañana también yo?

¿Seré mi creador, mi criatura,

seré lo que pasó?

Miguel de Unamuno (Cancionero, publicado póstumamente en 1953)

DA IRREALIDADE COTIÁ

2008-11-12T17:57:00.004+01:00

Hoxe na reunión do club de adultos falamos da nova obra de Juan José Millás: Los objetos nos llaman (Seix Barral), unha selección de contos, algúns moi breves, que nos presentan unha persoal visión da cotidianeidade. Aparecen maxistralmente mesturados elementos tan dispares como

o absurdo (esa porta ao fondo do pasillo que non conduce a ningures),
o medo (o fósforo que revive aos mortos),
o humor (a irresistible atracción por un maniquí que suda),
a ironía (baixo os efectos da gasolina, un pode imaxinar que ten unha casa na serra en lugar de dúas serras na casa),
o misterio (ese polo que chega do mercado, pero nunca aparece na mesa),
o escepticismo ("Yo me he pasado la vida votando a Dios y continúo en el paro místico"),

pero tamén hai amargura (no silencio do pai ante as broncas da nai),

sentimento de culpa (en "Escribir a la contra"),

emoción (nas bágoas dun home que chora ao pai morto hai moito tempo)

e mesmo reflexión sobre o feito literario:

"Escribir no es más que tomar la materia prima de la realidad y convertirla en literatura para hacerla más digerible".

Non direi máis de Millás, que despois me acusan de non ser imparcial! Un gañador de premios como o Nadal (1990), o Primavera (2002), o Planeta (2007) e o Nacional de Narrativa (2008) non precisa que ninguén o promocione.

RUMBO A XAPÓN

2008-11-11T23:42:00.013+01:00

O club de lectura de 3º por fin endereita o rumbo.

Tras abandonar a "Sonrisa etrusca" recuperamos o alento cunha lectura novidosa para moitos e esperamos que tamén sorprendente: unha selección de novelas gráficas, das que xa gozaron no curso pasado os membros do club de lectura de 4º.

Títulos como Aya de Yopougun, De profundis, Blacksad, Courtney Crumrin ou o indispensable Taniguchi farán da próxima sesión un rato especial, estamos seguros.

(De feito, algún dos membros do club xa veu pola biblioteca en busca da segunda parte da súa historia para poder saciar a súa sede de cómic).

Ollo, é unha adicción difícil de deixar cando se lle colle o gusto!

Ademáis, despois de ler con calma os argumentos dunha pequena selección de novelas de tema máis cercano, escollemos tomar rumbo a Xapón da man de Kyoichi Takayama e o seu "Grito de amor desde el centro del mundo". O vindeiro mércores 19 partimos cara o sol nacente, a coñecer a Aki e Sakutaro, tan célebres no seu pais que a súa historia deu lugar a un manga e a unha serie de televisión de gran éxito por aqueles lares.

A cousa promete emocións intentas.

Xa vos contaremos que tal...

DE BICHOS E CENTEO

2008-11-06T20:17:00.003+01:00

Onte tivemos reunión do club co grupo de 4º. Rematamos a lectura de A metamorfose de Franz Kafka, con dispar resultado. Hai quen leu a historia e non foi quen de engancharse, ou non sacou nada interesante; hai quen rexeitaba o libro porque non explicaba a causa de que Grégor aparecese unha mañá convertido en insecto; hai quen non lle atopaba explicación ao conto... e mesmo hai quen non rematou a lectura. Pero non nos imos rendir.

Cambiamos totalmente de rumbo. Agárdanos Holden Caulfield, o protagonista de El guardián entre el centeno, de J.D. Salinger. Este adolescente achegaranos a súa particular visión da vida nas aulas, na familia e nas rúas.

Ou moito me engano ou desta volta ninguén deixará de ler ata coñecer todos os detalles desta historia!

DESNORTADOS...

2008-11-02T11:04:00.005+01:00

O grupo de lectores de 3º de ESO andamos algo desorientados. A nosa lectura, "La sonrisa etrusca" está a resultar pouco atractiva para case todos. Julio pensa que o vello estáse a queixar todo o día, as súas referencias constantes aos tempos de loita clandestina contra os nazis e aos costumes da súa aldea desorientan a Alicia, a comparación constante entre campo e cidade non atrae en absoluto a Diana nin a Daniel. As dúas Lauras e Desirée calan e sorrín, ao estilo etrusco. A cousa está difícil.

Este próximo mércores reunirémonos de novo e veremos se a perseverante Noelia consigue convencer aos demáis para continuar coa lectura.
De non ser así, levaremos unha selección de títulos para decidir entre todos a nosa seguinte lectura.

Tal vez intentemos engancharnos cunha novela de temática máis próxima a vos como "Autobiografía de un cobarde" ou, xa que estamos co Expocómic 08, podemos embarcarnos na lectura dunha selección de novelas gráficas.
Descubriredes que a banda deseñada e moito máis que Zipi e Zape e, da man de auténticas obras de arte ilustrado, descubriredes un novo xeito de ler.

A METAMORFOSE DE GRÉGOR

2008-10-26T16:17:00.012+01:00

O pasado mércores reunímonos os lectores do grupo de cuarto de ESO. A nosa primeira lectura deste curso é

A metamorfose de Franz Kafka. Neste breve relato asistimos ao estupor de Grégor Samsa, viaxante de tecidos, cando unha mañá esperta e comproba que se transformou en coleóptero, quizais unha cascuda ou un escaravello. A súa gran preocupación é que perderá o tren que ten que coller e porá en perigo o seu traballo. Samsa vive cos pais e unha irmá, aos que mantén co seu soldo. Ante esta nova situación comezan os problemas coa súa familia.

Son moitísimas as interpretacións que se fixeron deste relato de Kafka. Na reunión falamos do egoísmo que mostran os pais e, pouco a pouco tamén a irmá, ante o caso de Grégor. Agora son eles quen teñen que manter economicamente o fogar e mostran un evidente rexeitamento polo seu fillo e irmán, ata deixalo morrer.

Na vindeira reunión remataremos os comentarios sobre esta obra tan cargada de interpretacións e sentidos.

Picando na imaxe inferior podedes ver e descargar a curtametraxe (de 20 minutos, en branco e negro) que o cineasta galego Fran Estévez realizou baseándose na obra de Kafka. Foi rodada en Vigo e estreada en xuño do 2004. Céntrase na relación de Grete co seu irmán, dende o punto de vista do protagonista.

REUNÍMONOS

2008-10-21T16:29:00.007+02:00

Mañá ás 15,30h
celebraremos a reunión dos diferentes grupos do club de lectura. Será o momento de falar e de escoitar, de reflexionar en voz alta e de aprender dos demais. As lecturas seleccionadas teñen moito que contar e amosar. Cada un de nós recibe o seu contido dun xeito diferente, e iso é o mellor do club: a variedade de opinións, gustos e entendementos. Somos distintos, as nosas lecturas tamén.

MAN IN THE DARK (PAUL AUSTER)

2008-10-10T19:57:00.018+02:00

O protagonista deste libro é un septuaxenario que se recupera dun accidente de coche, o seu insomnio lévalle a inventar historias na escuridade, historias que pretenden encubrir outros pensamentos e recordos que o asaltan nas tebras. En palabras de Paul Auster:

"The whole book takes place in one night," Auster says. "It's a man lying in bed, and he can't sleep, and he's making up stories and remembering his life. But he's making up stories in order not to think about certain things that are too depressing to think about."

Auster reflíctese, en certo modo, en August Brill, sufriu un accidente de coche no que a súa muller Siri Hustvedt (poeta, de orixe noruego) levouse a peor parte no asento do copiloto.

Nesta novela podémosnos reencontrar con personaxes doutras novelas de Auster, non é esta a primeira vez que entrelaza os seus libros.

Atréveste a penetrar na ESCURIDADE ? Que se esconde detrás desas historias que flúen na negrura dunha noite? ¿Qué intención asoma entre as palabras de Auster? Cal é o final que nos depara esta novela? ... ... ...

Para acabar, un vídeo de Paul Auster lendo uns párrafos de "Man in the dark" . A "pega", está en inglés; a vantaxe, a súa voz.

http://es.youtube.com/watch?v=p1ls5oqMEhk&feature=related

PRESENTACIÓN CLUB DE LECTURA CURSO 2008-2009

2008-10-08T16:08:00.002+02:00

PRESENTACION08-09 - Upload a Document to Scribd

PRESENTACIÓN DE GRUPOS

2008-09-30T17:10:00.004+02:00

Mañá día 1 de outubro terá lugar a presentación oficial das actividades do Club de Lectura Ars Legendi. Reunirémonos todos os grupos na Sala de usos múltiples ás 15,30 horas.

Aínda que xa rematara o prazo oficial de inscrición, aínda hoxe animáronse dous alumnos máis de Primeiro. Xa somos en total case 70 lectores.

Estamos felices pero desbordadas! Agradeceríamos a colaboración dalgún profe que se anime a ser o coordinador ou coordinadora dun dos grupos.

Contamos con vós!!

XA ESTAMOS TODOS?

2008-09-28T18:38:00.008+02:00

O pasado venres rematou oficialmente o prazo para anotarse no club de lectura. Como no curso pasado, a resposta foi moi boa. Están anotados practicamente todos os alumnos e alumnas: en Primeiro hai 18, en Segundo temos un grupo de 14, en Terceiro anotáronse 8 e en Cuarto hai apuntados 18 lectores. E no club de adultos xa somos 8 os profes que probaremos esta actividade.

Estamos felices ao percibir tanta animación. Estade atentos aos taboleiros de anuncios porque este mércores día 1 botaremos a andar.

PRAZO DE INSCRICIÓN

2008-09-21T18:41:00.003+02:00

Mañá luns 22 de setembro comeza o prazo de inscrición para todos os que estedes interesados en participar este curso no club de lectura do cole, tanto para alumnado de Secundaria como para adultos. Podedes pasar pola biblioteca á hora do recreo para dar os vosos datos persoais. Lembrade que as reunións serán os mércores ás 15,30h e terán unha periodicidade quincenal.

Xa temos algunhas propostas de lecturas para diferentes idades:

El baile de Irène Némirovsky
La historia interminable de Michael Ende
Grimpow de Rafael Ábalos
Agua para elefantes de Sara Gruen
O club da calceta de María Reimóndez
Así nacen as baleas de Anxos Sumai
Tres segundos de memoria de Diego Ameixeiras
Resistencia de Rosa Aneiros

Agardamos as vosas suxestións. O prazo de inscrición remata o venres 26, pois queremos comezar o mércores 1 de outubro. Animádevos!!

BOTAMOS A ANDAR

2008-09-11T17:39:00.003+02:00

Xa estamos comezando a organizar o club de lectura do curso 2008-2009. Son moitas as ideas, actividades e propostas que temos en mente, pero xa sabedes a importancia que teñen as vosas suxerencias de libros que coñecedes ou que vos apetece ler. Podedes indicarnos eses títulos nun comentario a esta entrada ou na nosa caixa de correos da biblioteca.

Tamén estamos estudando a posibilidade de organizar un club de lectura para adultos aberto á comunidade escolar. Comentádeo na casa e animade aos vosos pais e nais para que participen nesta actividade do cole. Cando comecen as clases pasaremos polas aulas para informarvos de todas estas cuestións e entregarvos a folla de inscrición.

Ata pronto e boas lecturas!

CHEGOU SETEMBRO

2008-09-04T16:53:00.003+02:00

Xa estamos en setembro e un novo curso está a piques de comezar. Agardamos que o número de lectores e lectoras do club sexa tan numeroso como o do curso pasado. Podedes comezar a recomendar posibles lecturas para este ano, que xa sabedes que a vosa opinión é moi importante!

VALORACIÓNS

2008-06-28T21:01:00.004+02:00

Como remate das sesións do CLUB DE LECTURA e coa intención de detectar os posibles fallos na organización e desenvolvemento da actividade cada lector cubriu unha enquisa na que tiña que valorar do 1 ao 5 os seguintes aspectos: a idea de organizar un club de lectura, día, hora e lugar das reunións, duración e periodicidade dos encontros, lecturas seleccionadas, blog do Club, coordinación do seu grupo, actividades e excursión ao Museo Verbum de Vigo.

Os resultados destas enquisas son francamente bos, tendo en conta a inexperiencia da que se partía.
Os comentarios que os compoñentes do club achegan diríxense principalmente ao desexo de contar con máis tempo para as reunións, pasando de 30 minutos a 45-60.
Do mesmo xeito suxiren que a periodicidade dos encontros sexa semanal.
Valoran moi positivamente a idea de organizar un club de lectura e destacan a importancia da lectura en relación coa aprendizaxe.

Os dez libros máis valorados, os que máis gustaron, son os seguintes (máxima puntuación 5):
- La sonrisa etrusca de J.L.Sampedro, 5
- Persépolis de M. Satrapi, 5
- Barrio lejano de J. Taniguchi, 5
- Aya de Yopougon 1 de Abouet e Oubrerie, 5
- Castle Waiting 2 de Linda Medley, 5
- Ollos de auga de D. Villar, 4,95
- El niño con el pijama de rayas, J. Boyne, 4,75
- Cielo abajo, F. Marías, 4,6
- De repente en lo profundo del bosque, Amos Oz, 4,6
- Kafka y la muñeca viajera, Sierra i Fabra, 4,56

O 100% dos entrevistados afirman ter a intención de continuar no Club de Lectura. Os alumnos de 4º, que deixan o colexio, esperan atopar outro club no instituto ao que vaian.

As profesoras implicadas neste proxecto tan ilusionante valoramos de xeito moi positivo o desenvolvemento da actividade. Destacamos o entusiasmo dos compoñentes de cada grupo e esas ganas de ler incrementáronse a medida que avanzaban as lecturas. Aprendimos moitas cousas nós tamén, entre elas que a selección de libros non debe ser moi ambiciosa, polo perigo que supón que algúns lectores queden atrás, non poidan rematar as obras e acaben desanimándose. Un obxectivo para o vindeiro curso é acadar un ambiente máis relaxado durante as reunión para perder a sensación de estar na clase coa profesora. Coincidimos na importancia de continuar con este proxecto polas marabillosas posibilidades de aprendizaxe que ofrece.

Nada mellor que as palabras dos propios alumnos para resumir e valorar o desenvolvemento desta experiencia:

- “Deime de conta de que a lectura é outra maneira de aprender, outra maneira de pensar. A lectura e os libros son algo único” (1º ESO)
- “No club lin libros que eu, por min soa, nunca pensaría en ler.” (2º ESO)
- “É unha forma estupenda de incentivar a lectura e dar a coñecer novos autores e obras” (3º ESO)
- “Gracias ao club coñecín os cómics, xa que nunca lera este tipo de obras”
- “Aínda que non atopase outro club de lectura, nunca deixaría de ler” (4º ESO)

MOITÍSIMAS GRAZAS, LECTORAS E LECTORES, BO VERÁN E ATA O VINDEIRO CURSO!!

SENTIR E PENSAR

2008-06-28T19:52:00.007+02:00

Esta nova recomendación de lecturas céntrase en dúas historias que moverán sentimentos e pensamentos: O señor Ibrahim e as flores do Corán, de Eric-Emmanuel Schmitt (Faktoría K) e Un loto en la nieve de Gonzalo Moure (Edelvives).

A primeira historia está protagonizada por Momo, un adolescente xudeu, carente de afectos familiares, e o señor Ibrahim, un tendeiro musulmán que se convertirá no amigo-conselleiro-pai-cómplice do rapaz. Unha historia verdadeiramente conmovedora que foi levada ao cine por François Dupeyron: Monsieur Ibrahim et les fleurs du Coran (2003).

A historia de Gonzalo Moure tamén ten como protagonista a un adolescente, Marcos, que vivirá unha estraordinaria experiencia na montaña, salvando a vida a un alpinista suízo. Esta aventura provocará que o rapaz viva como propios os recordos que o alpinista ten da súa primeira visita ao Tíbet. É unha novela impactante que vai directa ao corazón do lector e que presenta o espiritual mundo tibetano baixo a dominación china.

De París a Istambul, dos Picos de Europa ao Himalaya... este verán non deixes de viaxar con boas lecturas.

XOGUETES DO DESTINO

2008-06-18T17:14:00.006+02:00

Todos coñecemos a tráxica historia de dous corazóns namorados que acabaron sendo xoguetes en mans do destino: Romeo e Xulieta. O seu creador, William Shakespeare (1564-1616), é un dos dramaturgos máis importantes da historia da literatura. Autor de traxedias e comedias, e de fermosos sonetos.

Hoxe a proposta de lectura céntrase nesta obra de teatro protagonizada por dous adolescentes, que pertencen a familias rivais. O seu amor é imposible, pero para os namorados non existen barreiras, non hai muros que os afasten... ou si?

Lede esta obra: a emoción e algunha que outra bágoa están aseguradas.

Romeo e Xulieta

William Shakespeare
Tradución Pérez Romero, Miguel
Editorial Galaxia
Coleccion Clásicos Universais
ISBN. 84-8288-625-8

REPORTAXE DE VIGO. Presentación das imaxes obtidas na nosa visita á cidade de Vigo e ao Museo Verbum (21 de maio de 2008)

2008-06-14T09:29:00.004+02:00

RECOMENDACIÓNS PARA LECTORES VIAXEIROS 2

2008-06-12T19:36:00.004+02:00

Continuamos coas recomendacións de lecturas relacionadas coas viaxes:

Juan Madrid: Los senderos del tigre (Alfaguara). Conta a historia de Luis, un rapaz que recibe desde Perú un baúl do seu avó coas súas pertenzas e o relato das súas sus peripecias en América: o naufraxio no Amazonas, ladróns, cazadores de recompensas, as súas relacións coas tribos indíxenas…

Jesús Ferrero: Válter o el viaje alucinante (RBA) Bruno é invitado polo seu irmán maior, Válter, a dar a volta ao mundo con el. Antes de partir, Solange, a noiva de Válter advirte a Bruno que vaia con coidado, que o seu irmán está metido nun asunto moi escuro. Durante a viaxe, Válter revélalle ao seu irmán a existencia dunha organización moi poderosa, formada por miles de axentes, que goberna na clandestinidade.

RECOMENDACIÓNS PARA LECTORES VIAXEIROS 1

2008-06-11T20:24:00.010+02:00

Comezamos coas recomendacións de lecturas para que poidamos sobrevivir ao verán afastados do noso club de lectura.

Os primeiros títulos están relacionados coas viaxes, máis ou menos fantásticas. Velaquí están:

Jules Verne: Viaxe ó centro da terra (Xerais), A volta ó mundo en 80 días (Xerais), Vinte mil leguas baixo dos mares (Ir Indo) ou Cinco semanas en globo (Baía Edicións).

Verdadeiramente calquera novela deste escritor francés merecería aparecer nesta lista, por ser o iniciador da moderna literatura de aventuras e de ciencia-ficción.

José Mª Merino: El viaje secreto (Anaya). Esta obra, ambientada na terrible posguerra española, é un canto ao poder da lectura e da literatura, como vías de fuxida dunha realidade cruel e portas abertas a mundos máis fermosos.

MÁGOA QUE REMATOU!

2008-06-05T18:38:00.004+02:00

As reunións do nosos grupos de lectores xa remataron, é certo, pero aínda temos un celme fantástico! Non si? É o que teñen as boas experiencias, que nunca se esquecen...

Xa pasamos as enquisas para avaliar a actividade e a maioría de vós xa as entregastes, agás... teño que dar nomes????

En xeral amosades unha gran satisfación por ter dado o paso de participar no club e todos afirmades que o vindeiro curso continuaredes coas reunións. Que podo dicir ante isto?! Que estou contentísima cos vosos comentarios. O que me gustou especialmente é o apartado no que expoñedes a vosa opinión sobre as profesoras que coordinaron cada un dos grupos. Teño que felicitarvos pos ser tan maduros e recoñecer ese "traballo" extra que dedicamos á lectura. Grazas polas fermosas palabras que empregades na valoración.

Cando teña todas as enquisas, amosarei os resultados, porcentaxes, previsións e comentarios. Tamén publicarei unha selección de lecturas para o verán, que son moitos días sen club!

Moitísimas grazas, lectoras e lectores. Sen vós non existiría o club.

Ata outra.

OS LECTORES ERRANTES

2008-06-03T14:10:00.007+02:00

Nós somos os compoñentes do grupo de lectura "Os lectores errantes". Foi unha mágoa que nos perderamos o último día do club de lectura, despistámonos con tanto preparar os exames, pero de saber que habería pasteis... ,o peor foi ver aos demais grupos comendo cando tocou o timbre!

Xa estamos en cuarto de ESO e deixamos o cole este ano polo que non participaremos máis neste club de lectura, pero esperamos que se siga realizando.

Por outra banda a excursión que realizamos a Vigo o día 21 de maio foi moi productiva xa que visitamos o museo VERBUM, un museo digamos que "diferente" dos demáis dado que podíamos interactuar con distintos elementos do devandito museo. Tamén foi moi ameno o paseo pola praia de Samil.

En xeral o club lectura foi moi divertido porque nel poidemos intercambiar opinións sobre distintos tipos de libros.

OS DISCÍPULOS DO LIBRO - 3ºESO

2008-05-28T15:49:00.007+02:00

Somos o club de lectura "Os discípulos do libro".

A cousa empezou con pouco interese por parte nosa, pero a medida que pasaban os días a cousa facíase máis amena e divertida. Comezamos a ler "A Casa dos Lucarios" sen moito éxito entre nós. A historia pareceunos aburrida en todos os aspectos, exceptuando a Lorena a quen lle pareceu interesante. O segundo foi máis interesante "El niño con el pijama de rayas", porque o argumento fíxonos pensar ata o final e reflexionar sobre o tema. Nembargantes, o libro que máis absorbeu parte do noso valioso tempo foi "Ollos de auga", neste libro nárrasenos unha historia de intriga policíaca que recomendamos.

Reivindicamos:

-A presencia de salas para a lectura e relaxamento mentres estamos a comentar a novela.

-Máis saídas.

En canto ao que gañamos coa lectura dos tres libros destaca a aprendizaxe de novos termos, localizacións xeográficas (a illa e a torre) e feitos históricos.

CLUB SALDANLLA - 1ºESO

2008-05-28T15:45:00.004+02:00

Para o noso grupo foi moi divertido participar no Club de Lectura e pasámolo moi ben. Para o ano gustaríanos volver a formar outra vez o grupo de lectura. Pedímoslle á cordinadora do club que non se desanimen e sigan envolvéndonos na lectura dunha forma tan divertida e interesante. E que a nosa directora Ángeles siga con nós no noso grupo.

Cando fomos de excursión gustaríanos haber tido máis tempo para poder ver mellor o museo. Para o ano gustaríanos tamén ter outra excursión co club de lectura. Os libros que lemos eran moi interesantes e a nosa profesora situábanos moi ben nos lugares onde se desenvolvía a novela.

MOITAS GRACIAS POR UN ANO INOLVIDABLE !!!

IMPRESIÓNS DO CLUB SALDANLLA -1ºESO

2008-05-28T15:44:00.005+02:00

Gustounos moito o Club de lectura e gustaríanos repetilo o ano que ven. Descubrimos novas formas para entreternos lendo. Grazas á nosa coordinadora Ángeles por iniciarnos nesta viaxe da man da lectura. Gustaríanos que a organizadora seguise fomentando a lectura un ano máis.

O mércores 21 de maio fomos a Vigo a ver o museo Verbum (a Casa das Palabras). Nel faláronnos da igualdade dos homes e das mulleres,todos podemos facer o mesmo e usar as mesmas cousas, aínda que non é o que se ve todos os días nas casas.

Tamén habia moitos xogos e actividades para todos.

Queriamos que para o ano que ven fósemos a máis sitios, e que nos deran máis tempo para ver máis cousas. Preferimos para o ano ter máis tempo para o club de lectura e así poder disfrutar máis dos libros.

Limos varios libros: Kafka y la muñeca viajera, Illa soidade, Cielo abajo e La sonrisa etrusca e gustáronnos moito.

ESPERAMOS QUE PARA O ANO QUE VEN VOLVA HABER CLUB DE LECTURA.

SESHAT - 2ºESO

2008-05-28T15:40:00.012+02:00

AO NOSO GRUPO "SESHAT" PARECEULLE INTERESANTE QUE NOS DESEN A OPORTUNIDADE DE PODER PARTICIPAR NUN CLUB DE LECTURA.

OS COMPOÑENTES SOMOS: NOELIA, ALICIA, LAURA, DESIRÉE, LETICIA, DAVID (QUE NON PUIDO IR Á EXCURSIÓN) E DANIEL; E COMO COORDINADORA: MARI CARMEN.

ALGÚNS LIBROS FORON ALGO ABURRIDOS E UN POUCO LONGOS, PERO GUSTOUNOS PARTICIPAR NO CLUB POLO QUE APRENDIMOS.

A EXCURSIÓN A VIGO FOI MOI FERMOSA,PASAMOS POLA PONTE DE RANDE, VISITAMOS O MUSEO "VERBUM", E COMEMOS NO RESTAURANTE DO MUSEO; CARA AO FINAL DA EXCURSIÓN FOMOS Á PRAIA DE SAMIL.
MOITAS GRAZAS A QUEN ORGANIZARON TODO ISTO,
"SESHAT"

AS TOUPAS VIAXEIRAS - 1ºESO

2008-05-28T15:40:00.011+02:00

Somos de 1º de ESO, chamámonos "As Toupas Viaxeiras", somos un grupo de nenos e nenas.
A nos pareceunos moi ben o Club de lectura porque lemos moitos libros.
O que máis nos gustou do club foi a excursión a Vigo porque vimos moitas cousas interesantes no museo VERBUM, ademais a comida era deliciosa e foi un placer estar alí.

Adrián Suárez Castro
Claudio Pena Vidal
Alberto Antelo Vieito
Diego Gil López
Dounia Haliqui Raqui
Noemi Pena Vidal

A VOLTA A VIGO EN MÁIS DE 80 VERBAS

2008-05-25T20:01:00.008+02:00

Aquí estamos case todos os compoñentes do Club de lectura "Ars legendi" (faltan Viviana e Alicia, David, Naty e Salomé, que non puideron vir de excursión, e a fotógrafa que está detrás da cámara). Fixemos esta foto no porto de Vigo, diante dun transatlántico impresionante que nos invitou a soñar con viaxes emocionantes sucando os mares...A continuación paseamos polo famoso Berbés e aínda que non degustamos as ostras da Pedra, observamos aos turistas dando boa conta deste manxar ás once e media da mañá!

A continuación, dirixímonos a Samil, onde está o museo Verbum, a Casa das Palabras. Alí fixemos unha visita guiada pola exposición permanente que está organizada en catro áreas: ciencias, linguaxes, literatura e tecnoloxía, todas elas relacionadas coa comunicación humana.Dentro das exposicións temporais, tivemos ocasión de reflexionar sobre un tema importantísimo: a igualdade (ou desigualdade) entre home e muller. As diferentes opinións dos alumnos e as alumnas enriqueceron o debate, aínda que o pouco tempo que tiñamos non nos deixou profundar moito.

Despois de xantar no restaurante do museo, aproveitamos a proximidade da praia para dar un curto paseo baixo as nubes ou xogar no parque.

Pareceunos a todos unha excursión moi curta, pero había que marchar porque entre A Baña e Vigo hai moitos kilómetros (a Tino pareceulle unha viaxe eterna!!)

VIAXE ÁS VERBAS

2008-05-20T21:12:00.003+02:00

Despois de tantas sesións de lectura, de tantas viaxes realizadas co poder da imaxinación, por fin imos realmente de excursión!

Mañá, mércores 21 de maio, os compoñentes do club de lectura imos realizar unha saída cultural a Vigo para visitar o museo Verbum, a casa das palabras. Que mellor para nós que visitar este museo interactivo dedicado á comunicación humana? Imos aprender moito e seguro que o pasamos moooi ben. Estamos desexando dar unha boa aperta a todas as palabras que nos fan tan felices.

Xa vos contaremos a experiencia.

Prepárate, Vigo, que alá imos!!